Առաջադրանքի թեմա՝ «Լիդերություն»
- Ի՞նչ է լիդերությունը
Լիդերությունը մի խումբ մարդկանց կառավարելու գործընթացն է գլխավորի՝ լիդերի կողմից։ Լիդերը նա է, ով իշխանություն ունի որոշ թվով մարդկանց վրա։ Հմուտ է այն գործունեության մեջ, որի խմբային կատարումը նա պետք է կառավարի, ունի վճիռներ կայացնելու և իրագործելու զարգացած ընդունակություն և այլ անձնային հատկանիշներ, որոնք անհրաժեշտ են մարդկանց կառավարելու համար։ Նա առավելագույն ազդեցություն ունի խմբի մյուս անդամների վրա։
- Լիդերության ի՞նչ ձևեր գիտեք
Լիդերության 4 ձև կա՝ ավտորիտար, դեմոկրատական, անառարկելի և ազատ։
Ավտորիտար առաջնորդները որոշումներ են կայացնում ինքնուրույն՝ առանց քննարկման։ Նրանք ինքնուրույն են սահմանում նպատակները, միայն հանձնարարություններ են տալիս և չեն հետևում հետադարձ կապին։ Մոտիվացիան թույլ է։ Սակայն այս ոճը հարմար է արագ որոշումներ կայացնելու անհրաժեշտության ժամանակ։
Դեմոկրատիկ առաջնորդները որոշումներ կայացնելուց առաջ քննարկում են աշխատակիցների հետ։ Այս ոճի համար առաջնորդները պետք է լավ հաղորդակցման հմտություններ ունենան, որպեսզի կարողանան բացատրել իրավիճակը և հասկանան հետադարձ արձագանքները։ Այն բարձրացնում է աշխատողների մոտիվացիան։
Անառարկելի առաջնորդները – «հայրիկի նման» կլսեն, կբացատրեն խնդիրը և կխորհրդակցեն աշխատողների հետ, սակայն թույլ չեն տա նրանց որոշումներ կայացնել։ Այս ոճը հարմար է նոր, անփորձ աշխատակազմի դեպքում։
Ազատ ոճի առաջնորդումը – «թույլ տվեք նրանց անել դա» կամ թույլ է տալիս աշխատողներին հանձնարարություններ կատարել և որոշումներ կայացնել ինքնուրույն որոշակի սահմաններում։ Սա դեմոկրատական ոճի առավելագույն տարբերակն է։ Այս ոճը հարմար է ուսումնասիրությունների կամ դիզայնի ոլորտում։
- Կյանքի ո՞ր ասպարեզներում կարող է դրսևորվել լիդերություն
Իմ կարծիքով կյանքի բոլոր ասպարեզներում էլ կարող է դրսևորվել լիդերություն։ Թե՛ բիզնեսում, թե՛ դպրոցում, թե ՛ հիվանդանոցում, թե՛ ողջ կյանքում, լիդերը մնում է լիդեր և ծավալում իր գործունեությունները։
Միլենա Քամալյանի ուսումնական բլոգ 