Ջուրը բնության ամենատարածված նյութն է, և բնության մեջ հանդիպում է պինդ, հեղուկ, գազային վիճակներում։ Կազմում է կենդանի օրգանիզմների բաղադրության 2/3 մասը։ Ջուրն այն եզակի նյութերից է, առանց որի կյանք չի կարող լինել։ Երբ դասարանում խոսում էինք ջրի և նրա օգտագործման մասին, պարզվեց, որ մարդն օրական ամենաքիչը 500 լիտր ջուր է օգտագործում։ Սկզբում բոլորս զարմացած էինք, թե ինչպե՞ս է դա հնարավոր։ Բայց հետո պարզվեց, որ հաշվարկի մեջ մտնում է նաև սննդի մեջ պարունակվող ջուրը, այն առարկաները, որոնք մենք օգտագործում ենք և դրանց մեջ ջուր կա կամ ջուր է ծախսվել դրանց ստեղծման համար։ Այդքանը հաշվելն իրականում շատ բարդ է, քանի որ մի շարք սնունդների հաշվարկները չկան։ Ես իմ ջրի օգտագործման հաշվարկն արեցի 1 օրվա կտրվածքով և հետաքրքիր աշխատանք ստացվեց։ Պարզվեց, որ ես մեկ օրվա ընթացքում ծախսում եմ մոտավորապես 2500 լիտր ջուր։ Իմ կարծիքով սա նորմալ ցուցանիշ է։ Որքան էլ սա ինձ համար նորմալ ցուցանիշ է, ես փորձում եմ ամեն կերպ ջուր խնայել։ Օրինակ, երբ ատամներս եմ լվանում, ջուրն այդ ընցաքում փակում եմ։ Կամ, երբ սպասում եմ, որ ջուրը տաքանա, այդ ընցաքում ջուրը լցնում եմ դույլի մեջ, իսկ հետո այդ ջուրն օգտագործում բույսերը ջրելու համար։ Այդպես ծախսում եմ համեմատաբար ավելի քիչ ջուր։ Փորձեք ամեն կերպ ջուր խնայել, քանի որ ջրի ռեսուրսներն անսպառ չեն։
Իսկ այստեղ հաշվարկներն են․․․
Լվացվել, ատամ լվանալ-20լիտր
Թեյ, 3 բաժակ-81լիտր
Շոկոլադե սալիկ-21 լիտր
Պիցցա, 1 կտոր-1200լիտր
Խնձոր, 1 հատ-4,5լիտր
Բանան, 1 հատ-5լիտր
Մանդարին, 5 հատ-440 լիտր
Հաց, 2 կտոր-32լիտր
Կարտոֆիլ 2 հատ-3,2 լիտր
Հավի միս, 100 գրամ-43,2 լիտր
Սպագետտի, 100 գրամ-18,4 լիտր
Սովորական խմելու ջուր- 500մլ
Լողանալ- 600 լիտր, 3 օրը մեկ
Միլենա Քամալյանի ուսումնական բլոգ 