Երեկ՝ էկոլոգիայի դասաժամին դիտեցինք <<Վայրիից առավել վայրի․ կրակը, անտառները և ապագան>> ֆիլմը, որը կիսատ մնաց։ Ես որոշեցի այն դիտել տանն ամբողջությամբ։ Ֆիլմը պատմում է Ամերիկայի Միացյալ Նահանգներում տեղի ունեցած անտառային հրդեհների մասին։ Հրդեհները տեղի էին ունեցել 5-6 նահանգներում, որոնցից էր Կալիֆոռնիա նահանգը։ Ես այդքան մեծամասշտաբ հրդեհներ չէի տեսել երբեք։ Հրդեհների առաջաման գլխավոր պատճառը գլոբալ տաքացումներն էին։ Չոր, շոգ, տոթ կլիմայի և վառելիքների պատճառով տեղի էին ունեցել շատ մեծ մասշտաբով անտառային հրդեհներ։ Դե քանի որ տարածքում շատ շոգ էր և չոր, հրդեհները շատ հեշտ և արագ են տարածվել։ Ամենախոշոր հրդեհը տեղի է ունեցել Կալիֆոռնիա նահանգի Յոսեմիթ ազգային պարկում, որն իր չափերով հասնում էր Չիկագոյին։ Հրդեհները մարելու գործընթացին մասնակցել են մի շարք հրշեջներ և կամավորներ, որոնք իրենց կյանքը զոհելով փրկել են անտառները այրվելուց։ Ջերի Բեյքերի ճամբարը մոտ է գտնվել անտառին և 20 րոպեի ընթացքում կրակը հասել է ճամբարին։ Ճամբարի մեծ մասն այրվել ու ավերվել էր։ Անտառային հրդեհների պատճառով մի ամբողջական քաղաք էր այրվել։ Շատ հուզիչ էր տեսնել, թե ինչպես են հազարավոր մարդիկ իրենց տներից հապճեպ փախել և գիշերում էին փողոցներում։ Այս հրդեհները մարդկանց սովորեցնում են գնահատել բնության ամեն մի թիզը և հրդեհից հետո շատ կամավորներ նոր ծառեր էին տնկում, որպեսզի այրված անտառը նորից կյանքի վերադառնար։ Հրդեհի մարման աշխատանքներին մասնակցած բոլոր հրշեջները, փրկարարները փորձում էին լուծումներ գտնել անտառային հրդեհները կրճատելու համար և ցանկանում են ամեն կերպ պաշտպանել թե՛ բնությունը, թե՛ մարդկությանը անտառային հրդեհներից։
Միլենա Քամալյանի ուսումնական բլոգ 