1․ Բնութագրեք Վրաստանի աշխարհագրական դիրքը:
Վրաստանն ունի շատ հարմար աշխարհագրական դիրք ՝ Սև ծովի արևելյան ափին գտնվելու շնորհիվ։ Ծովը Վրաստանի հարստության աղբյուրն է։ Երկրի աշխարհագրական դիրքը նպաստավոր է նաև այն պատճառով, որ ունի տարանցիկ տրանսպորտային դիրք Ռուսաստանի, Հայաստանի, Ադրբեջանի, ինչպես նաև Կենտրոնական Ասիայի և Սև ծովի ավազանի երկրների միջև։ Այդ դիրքի շնորհիվ Վրաստանը մեծ եկամուտ է ստանում։ Վրաստանը լեռնային երկիր է, տարածքի մոտ 80%-ը երիտասարդ լեռնաշղթաներն ու բարձրություններն են։
2․ Ի՞նչ դեր ունի Վրաստանը հվ-արմ Ասիայում:
Վրաստանը շատ մեծ դեր ունի հվ-արմ Ասիայում, քանի որ արտահանում է մանգան, քարածուխ, պղինձ և շինանյութեր։ Արտահանում է նաև թեյ, ցիտրուսներ, գինիներ, դափնետերև, քիմիական պարարտանյութեր, մեքենաշինական նյութեր: Վրաստանի տարածքով են անցնում Հայաստանի կապերը դեպի Ռուսաստան։ Նաև Վրաստանով է անցնում Բաքու -Թբիլիսի -Ջեյհան-նավթամուղը։ Նավթամուղը Ադրբեջանի մայրաքաղաք Բաքուն Վրաստանի մայրաքաղաք Թբիլիսիի միջոցով միացնում է Թուրքիայի հարավարևելյան նավահանգիստ Ջեյհանին։ Օդային ուղիներով Վրաստանը կապված է շատ երկրների հետ: Վրաստանն արտաքին աշխարհի հետ տնտեսական սերտ կապերի մեջ է: Վրաստանի հետ են կապված շատ առևտրական կապեր։ Վրաստանում կան շատ պատմա-մշակութային վայրեր և նավահանգիստներ։
3․ Որո՞նք են Վաստանի զարգացման նախադրյալները:
Վրաստանի զարգացման գլխավոր նախադրյալներն են նպաստավոր տնտեսաաշխարհագրական դիրքը, բնական ռեսուրսների բազմազանությունը, բնակլիմայական պայմանները, բավարար աշխատանքային ռեսուրսները, նավահանգիստները և պատմա-մշակութային արժեքները: Վրաստանի բնակլիմայական լավ պայմանները նախադրալներ են ստեղծում գյուղատնտեսության զարգացման համար: Տնտեսության զարգացման հզոր գործոն է նաև Սև ծովը: Երկրի նյութական արտադրության առաջատար ճյուղը արտադրությունն է: Մեծ է երկրի տնտեսության կախվածությունը արտաքին առևտրից։
4․ Գնահատեք հայ-վրացական հարաբերությունները, ի՞նչ ազդեցություն կարող են ունենալ ՀՀ-ի համար, ի՞նչ ուղղությամբ պետք է զարգանան այդ հարաբերությունները:
Հայ-վրացական հարաբերությունները շատ լավն են և ընկերական։ Հայ-վրացական հարաբերությունները դեռ հին ժամանակներից են լավ եղել։ Վրաստանի բնակչության 10%-ը կազմում են հայեր, և դա կարող է մեծ առավելություն տալ։ Հայերը կարող են նաև ուրիշ երկրների հետ էլ կապեր հաստատել։
Միլենա Քամալյանի ուսումնական բլոգ 